最後更新：November 27, 2025
手頭有短期資金需求，又唔想借私人貸款影響TU？信用卡套現可能係你嘅好選擇！ 本文將詳細講解信用卡套現嘅基本概念、主流免費信用卡套現方法（包括渣打國泰MastercardSCPay、Mox Credit、DBS信用卡FPS轉賬），以及如何善用56日免息期賺取Free Cash Flow。同時亦會提醒你信用卡套現嘅風險同注意事項，等你做到理論上「零成本」套現，唔會誤中陷阱。
以上分析由 milkfinance 編輯及財務分析團隊整理，所有資料以公開銀行文件為基礎，並定期檢視更新。
目錄
- 信用卡套現是什麼？
- 信用卡套現適合哪類人？
- 主流免費信用卡套現渠道概覽
- 信用卡套現額度及操作方法
- 渣打信用卡套現教學（SC Pay）
- Mox Credit 套現與過數玩法
- DBS 信用卡 FPS 套現及轉賬
- 其他信用卡套現及冚卡工具
- 套現資金可以如何運用
- 信用卡套現對TU及信貸評級影響
- 信用卡套現風險及常見陷阱
- 安全使用信用卡套現的實用守則
- 信用卡套現與其他貸款產品比較
- 信用卡套現常見問題
1. 信用卡套現是什麼？
1.1 信用卡套現基本概念
信用卡套現係指將信用卡可用信用額，短時間內轉換成現金使用，例如過數去自己銀行戶口、交賬單或者償還其他卡數。對於有短期資金需求、但又唔想即刻申請私人貸款嘅用戶，信用卡套現可以視為一種「短期現金流工具」，前提係你有能力準時還款。相對傳統貸款，批核程序通常較簡單，唔少銀行甚至只要你持卡正常用卡，就可以直接於手機 App 申請或操作。
另一類常見做法係銀行提供的「現金套現／現金分期計劃」。呢類計劃會真正將信用額套成現金，然後以分期形式攤還，本質上同個人分期貸款接近，會有每月手續費及實際年利率（APR），並記錄喺 TU 信貸報告入面。
1.2 信用卡套現與現金透支有何分別
好多人會將「信用卡套現」同「現金透支（Cash Advance）」混為一談，其實兩者成本同風險差異頗大︰
- 現金透支：用信用卡喺 ATM 直接提現，通常即日開始計息，年化利率可接近或超過 30–35％ 以上，仲要加一次性現金透支手續費，成本屬於高風險級別，除非極度急需現金，一般唔建議使用。
- 現金套現分期：需預先申請，銀行按批核結果批出現金，然後以固定期數分期攤還，會有清晰列明月平息及實際年利率，有啲計劃 APR 約 2–5％ 起，但會記錄喺 TU 入面，對日後借貸審批有影響。
- FPS／簽賬式套現：利用「簽賬」形式過數（例如 FPS 轉賬、指定繳費渠道），如在免息期內一次過清還，理論上可以將利息成本壓到非常低，但對用家自律要求最高，一旦遲還，即時變回高息信用卡結欠。
簡單分級嚟講：
- FPS 免息套現＝成本可壓低，但高度依賴你「100％ 準時還款」。
- 現金透支＝成本高、風險高、唔建議長期使用；
- 現金分期套現＝成本中等、程序清晰、會留 TU 記錄；
- 提示：
- 套現前先檢查自己總信貸額／現有結欠；
- 建議單一銀行使用額盡量唔好長期高於 50％；
- 大額套現前，可以考慮先「提升額度」再操作。
1.3 何謂「免息免手續費」免費套現
近年不少香港銀行開始支援以信用卡經 FPS 轉數快過數，或者以繳費／轉賬功能直接將簽賬變成現金流。例如以渣打 SC Pay、Mox Credit、DBS Card+ 等工具，喺指定每月免手續費額度內過數，並於還款日之前一次過清還，有機會做到「免息＋免手續費」的低成本套現。部分銀行同時提供「最長約 56 日免息還款期」，即由交易日起至還款日期間，只要帳單如期全數清還，系統就唔會收取利息。
不過，所謂「免費套現」有幾個重要前提：
- 必須清楚知道每月免手續費上限，同埋超額後的手續費百分比；
- 必須喺免息期內「全數還款」，只還最低還款額就會變成高息結欠；
- 頻繁大額套現，即使無 TU 貸款申請紀錄，長期高使用率仍可能影響信貸評級。
因此，更穩陣嘅講法係：FPS 套現「在符合條件、又能嚴格準時還款的情況下，可以做到接近零利息、低手續費的短期資金調配」。如果你本身有紀律、懂得計數同管理現金流，呢種玩法可以當作工具；相反，一旦自制力較弱，風險其實同高息借貸差唔多。
2. 信用卡套現適合哪類人？
2.1 短期資金周轉需要信用卡套現嘅人士
如果你有短期資金周轉需要，例如交稅、繳交大額費用、或者趁購物優惠入貨，信用卡套現可以提供即時現金流，免卻申請私人貸款嘅繁複程序同等待時間。
由於信用額是在銀行發卡之時便已批出，所以現金套現的申請程序簡單，很多時不需提交入息及身分證明，正常情況2個工作天內可獲批。
2.2 想賺息差／高息活期存款人士
信用卡套現嘅進階玩法係「賺息差」。假設你可以套現20萬元，放入年利率3％嘅高息活期存款（如渣打馬拉松存款），每月可賺取約HK$500利息作為「零用錢」。
到期還款時再用同一嚿錢找數就得喇，等於理論上可做到接近零成本（前提係全期準時還款）。
2.3 不適合進行信用卡套現的人（自制力及TU風險）
如果你自覺控制唔到消費習慣，或者經常遲還卡數，就唔建議進行信用卡套現。
一旦錯過還款日，信用卡利息可高達年利率35％以上，分分鐘得不償失。此外，頻繁套現或長期高信用額使用率，都有機會影響TU信貸評分，對日後申請按揭、貸款造成障礙。
3. 主流免費信用卡套現渠道概覽
3.1 銀行官方「現金套現」分期計劃簡介（如滙豐、恒生等）
傳統銀行如滙豐提供「現金套現」分期計劃，客戶可將信用限額兌現成現金，選擇6至60個月固定還款期，每月手續費低至0.19％。
部份銀行仲會推出限時優惠，例如滙豐於2025年11月6日至12月10日期間，全新貸款客戶申請可享高達HK$5,500「獎賞錢」。不過呢類計劃需要經過信貸審批，會影響TU紀錄。
主要銀行信用卡現金套現計劃比較：
3.2 FPS 轉數快免費信用卡套現概念
近年受歡迎嘅信用卡套現方式係透過FPS轉數快，經銀行App將信用卡款項轉賬至自己或第三方戶口。渣打、DBS、Mox等銀行都有提供免手續費額度，只要喺免息期內還款，就可以做到理論上可做到接近零成本（前提係全期準時還款）套現，而且唔需要經過TU審批，係信用卡財技嘅熱門玩法。
3.3 結餘轉戶／冚卡延長免息期概念
另一種進階信用卡套現玩法係利用恒生信用卡嘅「免費找卡數」功能，將其他銀行嘅卡數轉移至恒生信用卡，從而延長免息還款期。例如你喺渣打套現6萬，到期要還款時，可以用恒生信用卡幫你找數，等於將還款期再延長多個幾月。
4. 信用卡套現額度及操作方法
現時有幾間主流銀行嘅信用卡可以創造現金流。佢哋分別係渣打、MOX、Citi Bank、DBS信用卡。呢幾間銀行都可以做到免手續費/免費套現功能，長達約50日免息期，記得按月結單準時還款就得喇。
主流銀行FPS免費套現額度比較：
套現到幾多？視乎閣下嘅信用卡有幾多，所以努力去諗吓點樣去增加信用卡額度。相比起私人貸款，信用卡現金套現的金額較少，上限是申請人的當前剩餘的信用限額。
延伸閱讀：信用卡申請條件｜入息要求及所需文件教學
5. 渣打信用卡套現教學（SC Pay）
5.1 渣打SC Pay FPS 信用卡套現額度與免手續費條件
渣打信用卡額度：每個月6萬（推廣期即日起至2025b年12月31日）。渣打戶口登記完FPS轉數快，可直接揀渣打信用卡嚟轉錢走，每月首HK$40,000 Free cash免手續費，超過咗就會收3.5％。還款期長達56日免息期。
5.2 渣打免費信用卡套現實際步驟（App 內操作流程）
- 準備條件：需要同時擁有渣打銀行戶口及渣打信用卡，同埋Update咗版本渣打App
- 登記FPS轉數快：喺渣打戶口登記轉數快功能
- 選擇信用卡扣款：進入SC Pay功能，選擇以渣打信用卡作為扣款來源
- 輸入收款人資料：可以轉賬至自己嘅其他銀行戶口或第三方戶口
- 確認交易：完成後款項會即時到賬
5.3 如何運用56日免息期賺取Free Cash Flow
假設你張月結單截數日係5月28日，咁你明天5月29日FPS轉HK$100,000走，而呢HK$100,000個截數日會係6月28日，咁你還款日期應為7月2x日，咁你就賺咗free cash flow返嚟。期間你可以將錢放入高息活期存款賺取利息。
5.4 渣打信用卡套現常見伏位與注意事項
- 整個操作張信用卡的FPS轉賬簽賬係無積分，唔好期望賺埋里數或回贈（無論是現金套現或現金透支，申請人一般都不能享受任何信用卡積分優惠）
- 超過免手續費額度會即時收取3.5％手續費，要睇清楚每月上限
- 務必記住截數日同還款日，遲還會被收取高達年利率35％以上嘅利息
- 渣打可以轉去自己戶口
延伸閱讀：渣打Smart Card信用卡迎新
6. Mox Credit 套現與過數玩法
6.1 Mox Credit 每月免手續費轉數額度及限制
之前停咗嘅Mox Credit轉數免手續費功能，2024年3月又開放返俾部份人（每個月有正常用吓張Mox Credit多數都會開返俾你）。大部份用戶嘅免手續費轉數額度係每月HK$30,000，超額會收取2.0％手續費。有時好似要做消費任務解鎖先有得無痛轉賬，要入返App睇。
6.2 Mox App 內轉數步驟與自動還款設定
- 喺Mox App內點擊「起動」，然後選擇「轉數」
- 輸入收款人資料（電話號碼、電郵地址、銀行戶口號碼或轉數快ID）及金額
- 選擇「Mox Credit」過數
注意事項：
- 你唔可以用Mox Credit過數至自己嘅Mox戶口
- 想重複轉數，你可以在「每次相隔」之下，選擇「一星期」、「一個月」等，Mox Credit即會自動幫你按時轉數
- 建議同時設定Mox Saving每月自動還款至Mox Credit，因為過期還款Mox係唔肯免財務費用架！
6.3 Mox 信用卡套現配合高息活期及外幣消費策略
Mox本身提供高息活期存款，套現後嘅資金可以直接留喺Mox戶口賺息。如果揀儲里數，仲可以免1.95％外幣手續費，適合有海外消費需要嘅用戶。不過要留意，Mox電子錢包增值轉賬無得玩（PayMe/支付寶HK/WeChat Pay）。
延伸閱讀：Mox Card 虛擬銀行信用卡完整攻略
7. DBS 信用卡 FPS 套現及轉賬
7.1 DBS Card+ FPS 轉賬免手續費額度與優惠期
喺DBS Card+ App憑DBS信用卡經FPS即時轉賬，每月首HK$10,000免手續費，超過會收取4.0％手續費。特選客戶可有HK$30,000-HK$60,000免手續費額度。優惠期一般會持續延長，但要留意銀行公佈。
7.2 以DBS信用卡套現過數／交賬單的實際操作
- 去返DBS Card+ App個「信用卡」果到搵返呢欄
- 選擇FPS即時轉賬功能
- 可以繳付單、向商戶付款或轉賬俾朋友家人（於第間銀行自己名的戶口都可以）
- 超過15萬間使用轉數快嘅商戶（包括「只收現金」商戶）都可以用DBS信用卡付款
7.3 如何配合Flexi Shopping分期靈活還款
如果套現金額較大，可以申請Flexi Shopping分期計劃將交易靈活分期，將還款壓力分散至多個月份。
延伸閱讀：DBS星展信用卡比較｜優惠及回贈全攻略
8. 其他信用卡套現及冚卡工具
8.1 恒生信用卡免費找卡數延長免息期玩法
恒生信用卡多年來值得大家去用嘅功能，就係佢可以免費找其他銀行嘅卡數（Mox都得，所以首要任務係打大Mox Credit，Mox仲可以直接套現）。
如果你喺上述信用卡做咗免費套現，咁你可以借住恒生信用卡免費找卡數功能，去延長免息還款期。
實際例子：
我喺渣打套咗6萬去收息，到期找數啦喎，點算好？即刻用恒生信用卡做找數，咁你筆數嘅還款期有延長多個幾月。詳細自己夾吓銀行與銀行之間月結單嘅結算日。
8.2 東亞／其他銀行結餘轉戶優惠與成本
東亞信用卡經常做結餘轉戶推廣，不過東亞銀行要先俾手續費之後做回贈，有些少麻煩。東亞「好用錢」現金兌現計劃經電子網絡銀行申請，豁免HK$300手續費，兼享高達HK$3,000現金回贈。建議做之前計清楚實際成本。
8.3 信用卡現金套現低息／分期計劃一覽
除咗FPS免費套現，傳統銀行分期套現計劃都係選擇之一。
滙豐「現金套現」分期計劃每月手續費低至0.13％，實際年利率低至2.70％，還款期6至60個月，適合需要較長還款期嘅用戶。
建行（亞洲）信用額套現分期計劃實際年利率低至2.49％。不過要留意，提早還款會收取本金結欠2％嘅手續費（如您所持的信用卡是HSBC Privé，此費用將會被豁免）。
延伸閱讀：恒生銀行信用卡比較｜優惠及迎新攻略
9. 套現資金可以如何運用
9.1 放入高息活期／貨幣市場基金賺息差
套現後嘅資金穩陣嘅用途係放入高息活期存款。市面上有多個高息活期選擇，包括：
- 渣打馬拉松高息活期存款
- 中信銀行國際inMotion戶口
- 建行亞洲高息活期存款
- Mox高息活期存款
9.2 短期定期存款及「渣打馬拉松」等高息活動
渣打馬拉松存款嘅好處係可以無限開戶、新資金定義容易滿足，資金可以隨時調動。套現後放入馬拉松存款，到期找數時再攞返同一嚿錢還款，期間賺取嘅利息就係你嘅純利潤。
9.3 不建議用於高風險投資的原因
唔建議用套現嘅錢買股票、窩輪、牛熊證。呢類投資有機會虧損，萬一輸咗冇錢還卡數，就要承擔高息同罰息，得不償失。套現應該只用於無風險套利。
10. 信用卡套現對TU及信貸評級影響
10.1 高使用額對TU分數的潛在影響
TU（環聯）信貸評分會考慮你嘅信用額使用率，包括「信用額使用率」、「準時還款紀錄」、「開卡及關卡歷史」等因素。一般而言，如果長期用盡或接近用盡信用卡總額，即使每次都有準時還款，系統都有機會視為「壓力較大」，從而影響評分。
實務上，較保守的做法係將整體信用額使用率控制在約三成或以下；短期偶然超出問題唔大，但如果長期維持高使用率（例如超過五成甚至七成），無論係日常簽賬定係信用卡現金套現，都可能令日後申請按揭、私人貸款或新信用卡時，批核變得更審慎。
10.2 頻繁套現／冚卡對日後借貸審批的風險
利用信用卡「冚卡」或者頻繁做結餘轉戶，本質上都係將原有債務搬去另一張卡，延長還款時間。偶爾為之，可以幫手舒緩短期壓力；但如果變成習慣，銀行會見到你經常以「轉卡方式」維持現金流，有機會被解讀為財務壓力偏高。
特別要留意幾種情況：
- 同一筆結欠，多次喺不同銀行之間轉來轉去；
- 多張信用卡長期只還「最低還款額」；
- 雖然無 TU「貸款申請」紀錄，但卡數總額一路上升。
從風險角度，milkfinance 會傾向將「短期、目的清晰、金額適中」的套現行為視為較低風險；但如果套現已變成維持日常生活開支的主要來源，就屬於較高風險層級，宜盡早檢視整體財務狀況。
10.3 合理控制信用額使用率的建議
要在「善用信用卡現金流」同「保持 TU 健康」之間取得平衡，可以考慮以下做法：
- 套現前先盤點：計一計目前所有信用卡的總額度、已用金額同每月穩定收入，再決定合適的套現上限。
- 控制單一銀行使用率：盡量避免長期喺同一間銀行用超過大約一半以上額度，可分散到幾張卡，以免被視為集中風險。
- 先提升額度再操作：如果你 TU 紀錄良好、收入穩定，在需要大額短期套現前，可以先向銀行申請提升信用額，再進行 FPS 或分期套現，令使用率百分比保持較低水平。
簡單總結：信用卡套現本身唔一定「傷 TU」，關鍵係你用幾多、用幾耐，以及有冇穩定同準時還款的紀錄。
11. 信用卡套現風險及常見陷阱
11.1 忘記截數日／還款日導致高息及罰息
就算係透過 FPS 做「免息免手續費」套現，只要一日遲還，整筆結欠都會重新以信用卡購物或現金結欠利率計息，而且好多銀行會同時收取逾期還款費用。
以本地部分發卡機構為例，標準購物年利率可以接近或超過三成，而現金結欠年利率一般更高，長期只還最低還款額，還款期可以被大幅拉長，最終總成本遠高於原本套現金額。
現金套現的每月還款額將顯示於信用卡賬單上，萬一逾期還款，該筆賬項將當作現金透支計算利息，並要支付逾期費用，所以申請者要每月清還信用卡欠款，才可享受低息。
建議實際做法：
- 每次套現前，用行事曆記低「交易日／截數日／還款日」，並設至少兩個提醒（例如還款日前一星期及前三日）；
- 優先使用自動轉賬／自動還款（全數還款），減少人為遺漏的機會；
- 如預計現金流短期會緊張，應提前調整套現金額，而唔係寄望到時「先還最低金額」。
總結：利用信用卡免息期可以幫你壓低資金成本，但一旦錯過還款日，實際成本會急升，長期而言非常不划算。
11.2 超出免手續費額度被收高昂手續費
各銀行針對 FPS／轉數快套現，一般都會設定每月免手續費簽賬上限，超出部分會按一定比例收取手續費。例如有銀行對超額部分收取約 2％–4％ 不等的手續費，配合實際免息期計算，等同將原本「接近零成本」的操作，變成一筆不低的短期貸款成本。
實務建議：
- 如一定要超額，預先以 Excel 或簡單計數，估一估有效成本，確定仍然合理先做。
- 操作前先於銀行 App or 官方頁面確認當月免手續費額度同超額收費；
- 盡量將每次過數金額控制在免手續費範圍內；
11.3 過度依賴現金流操作造成長期債務
如果長期依賴信用卡套現維持現金流，一旦收入出現問題，就會陷入債務漩渦。套現只應該係短期財務工具，唔係長期解決方案。信用卡公司就係博你唔記得還錢，理論上，善用信用卡免息期可以幫你短期調配資金，但如果每個月都需要靠新一輪套現去還舊有結欠，其實等同進入「滾動式債務」狀態。
以下幾個訊號值得留意：
- 每月還款主要靠另一張卡套現或結餘轉戶；
- 卡數總額持續上升，即使有做「冚卡」，整體負債仍然冇明顯下降；
- 一旦失去某一張卡的免手續費額度，就難以維持現金流。
從風險分級角度，milkfinance 會將「短期、有明確還款計劃的套現」視為技術性工具；但「長期以套現支撐生活開支」就屬於高風險，建議盡快重新整理收支結構，必要時尋求專業理財或債務重組意見。
11.4 使用中介進行套現的法律及費用風險（高風險，強烈不建議）
坊間有中介或個人聲稱可以「代客套現」、「高回贈套現」，但通常會涉及：
- 額外高額「服務費」或「手續費」；
- 以虛假交易、假單據形式刷卡；
- 甚至有機會觸及詐騙、洗黑錢或違反發卡機構條款。
呢類做法風險屬於最高級別：一方面卡主要承擔所有法律及還款責任，另一方面一旦被銀行識破，隨時會被即時封卡、要求提早清還所有結欠，甚至影響日後同其他銀行嘅往來關係。
整體建議好簡單：就算官方渠道冇你理想中咁多額度，都唔值得冒中介套現風險。
11.5 小心輸入銀行戶口號碼
不少香港用戶會將信用卡與儲蓄／往來戶口綁定，用同一張卡喺 ATM 做提款。如果喺操作介面唔小心揀錯戶口（例如揀咗「信用卡戶口」而唔係「儲蓄戶口」），實際上就變成以信用卡做現金透支，利息同手續費都會顯著較高。
日常操作時可以留意：
- ATM 提款時確認畫面顯示提款來源係「儲蓄／往來」而非「信用卡」；
- 如經常用網上理財或 App 轉賬，亦要留意預設扣款戶口是否正確；
- 一旦發現誤用信用卡提款，應盡快全數還款，減少利息累積時間。
總結：技術上細微操作錯誤，都可以令「原本免費或低息的操作」變成高成本現金透支，所以程序上保持謹慎，同樣係風險管理的一部分。
12. 安全使用信用卡套現的實用守則
12.1 制定現金流及還款時間表
喺套現前，先計好截數日、還款日，制定清晰嘅時間表。可以用Google Calendar或手機提醒功能記低重要日子。
12.2 設定自動還款及還款提醒
建議設定銀行自動還款功能，確保唔會遲還款。部份銀行如Mox可以設定自動從活期戶口還款。
12.3 嚴守「只做免息免手續費」原則
唔好貪方便而超出免手續費額度。寧願分開幾張卡做，都唔好俾手續費。
12.4 如何計算實際成本與年利率
銀行公佈嘅「每月手續費」需要換算成實際年利率先可以同其他貸款產品比較。實際年利率(APR)以年化利率展示出貸款產品的基本費用與收費，包括利息、手續費及行政費等。客戶選擇貸款時，應以實際年利率作比較。
13. 信用卡套現與其他貸款產品比較
13.1 與私人貸款的利率及審批速度比較
信用卡現金套現計劃（又稱現金分期計劃）跟私人貸款有點相似，不同的是申請人所獲的款項是從信用卡的信用限額套現而成，由於信用額是在銀行發卡之時便已批出，所以現金套現的申請程序簡單，很多時不需提交入息及身分證明，正常情況2個工作天內可獲批。
相比起私人貸款，信用卡現金套現的金額較少，上限是申請人的當前剩餘的信用限額。信用卡免費套現嘅優勢係免審批、即時到賬、短期免息。
13.2 與銀行透支／稅貸的靈活度比較
銀行透支需要預先申請，而且會收取利息。稅貸通常只係每年稅季先有，利率雖低但用途受限。信用卡套現勝在靈活，隨時可以用。
13.3 何時應考慮改用正規貸款而非套現
如果你嘅資金需求係長期（超過3個月）、金額較大（超過10萬），或者預計未必能夠準時還款，就應該考慮申請正規私人貸款，避免承擔信用卡高息風險。
14. 信用卡套現常見問題
14.1 市面上邊幾張信用卡可以免費套現？
渣打信用卡及DBS信用卡都可以做到免費套現，仲要免TU貸款。Mox Credit就有部份用戶可以轉數免手續費。Citi信用卡透過Citi PayAll功能，每月可轉賬HK$150,000，可以揀免手續費或賺積分（除左銀聯玩唔到PAYALL，其他都玩到）。
14.2 FPS 套現是否一定「免TU」？
係嘅，FPS套現唔需要經過信貸審批，唔會喺TU留下貸款申請紀錄。不過如果長期高信用額使用率，都可能間接影響TU評分。
14.3 套現後提早清還可否慳利息？
申請人若提早還款，發卡銀行將會收取若干金額的費用，有銀行更要求申請人支付餘下還款期內原應支付的利息，因此大家未必能透過提早還款去節省利息。
如果係傳統分期套現計劃（如滙豐），提早清還需要繳付剩餘本金結欠加2％提前還款手續費，未必慳到息。
如果您選擇提前還款，便可能得不償失，因為就算節省了未償還的手續費結欠，也可能不足以彌補提前還款的相關收費。
如果係FPS免息套現，只要喺還款日前還清就唔使俾任何利息。
14.4 可以轉數去自己戶口嗎？
- 渣打SC Pay：可以轉去自己名下嘅其他銀行戶口
- Mox Credit：唔可以轉去自己嘅Mox戶口，但可以轉去其他銀行戶口
- DBS：可以轉賬至自己名下第間銀行嘅戶口
- Citi PayAll：需要轉賬比第三方（屋企人大法），填寫原因要合理
14.5 信用卡套現會否違反銀行條款？
銀行官方提供嘅FPS套現功能係合法合規嘅，唔會違反條款。但如果利用其他非正規渠道或中介進行套現，就可能違反銀行條款甚至法律，後果自負。
14.6 如果經FPS超額轉賬會點？
經FPS超額轉賬就要比返手續費，每間銀行手續費都唔一樣：
- 渣打：3.5％
- DBS：4.0％
- Mox：2.0％
借定唔借？還得到先好借！ 信用卡套現係一把雙刃刀，用得好可以低資金成本創造現金流，用得唔好就會跌入高息債務陷阱。記住：本網站所載資料僅供參考，有關產品詳情、回贈及年費等資訊請以相關金融機構所提供的資訊為準。
相關文章推薦
延伸閱讀 ：信用卡年費攻略｜免年費信用卡與年費豁免申請技巧
免責聲明：本網站所載資料僅供參考，有關產品詳情、回贈及年費等資訊請以相關金融機構所提供的最新資訊為準。申請信用卡前請仔細閱讀相關條款及細則。信用卡套現涉及財務風險，申請人應審慎評估個人財務狀況及還款能力。如有任何疑問，請諮詢專業財務顧問意見。
| 比較項目 | 信用卡提款（現金透支） | 信用卡現金套現 |
|---|---|---|
| 手續費 | 一次性，3.5％至5％不等 | 每月計，低至0.13％ |
| 實際年利率 | 約40厘 | 低至3％ |
| 套現方法 | 直接於櫃員機作信用卡提款 | 申請「現金套現」分期計劃後，現金將直接存入指定戶口 |
| 優惠 | 沒有（銀行個別通知特選客戶除外） | 部分銀行有額外回贈 |
| 銀行 | 免手續費額度 | 超額手續費 |
|---|---|---|
| 渣打信用卡 | 首HK$40,000 | 3.5％ |
| DBS信用卡 | 首HK$10,000 | 4.0％ |
| Mox Credit | 首HK$30,000（部份用戶） | 2.0％ |
| Citi信用卡 | 每月HK$150,000 | 可揀免手續費或賺積分 |
| 主要銀行信用卡現金套現計劃比較 | ||||
| 銀行 | 現金套現計劃 | 還款期 | 每月手續費/月平息 | 實際年利率 |
| 滙豐 | 「現金套現」分期計劃 | 6-60個月 | 低至0.13％ | 低至2.70％ |
| 恒生 | 免息「現金分期」計劃 | 6-60個月 | 低至0.13％ | 低至2.71％ |
| 中銀 | 「現金分期」計劃 | 12-36個月 | 低至0.13％ | 低至2.70％ |
| 花旗 | 「Quick Cash」套現分期計劃 | 6-60個月 | 低至0.12％ | 低至4.61％ |
| 星展 | 「迅用錢」分期套現計劃 | 6-60個月 | 0.24％ | 低至5.50％ |
| 渣打 | 信用卡「兌現分期」計劃 | 12-60個月 | 低至0.13％ | 低至3.04％ |
| 東亞 | 「好用錢」現金兌現計劃 | 6-60個月 | 低至0.13％ | 低至3.16％ |
| 建行 | 信用額套現分期計劃 | 6-60個月 | 低至0.12％ | 低至2.49％ |
| 信銀 | 信用卡套現分期計劃 | 12-60個月 | 低至0.13％ | 低至2.91％ |
Leave a Reply