最後更新：November 27, 2025
想搵一張專攻香港交通回贈，又可以幫你慳盡每日車費嘅信用卡？對於每日搭港鐵、巴士、電車、渡輪出入返工返學嘅打工仔同學生，點樣用好八達通同信用卡，其實好影響你一年實際「慳返幾多」。
Milkfinance 編輯團隊今次就深入研究 Citi 八達通白金卡，由申請門檻、迎新獎賞、15％交通回贈機制，以至配合政府公共交通費用補貼後實際回贈比例，逐點為你拆解。
無論你係純粹想慳車費，定係想用其他信用卡湊簽賬、再用 Citi 八達通專攻交通支出，呢篇攻略都會用實用角度出發，俾你一文掌握重點，再自己作出最適合嘅理財選擇。
目錄
- Citi八達通白金卡重點一覽
- Citi八達通白金卡申請條件
- Citi八達通信用卡迎新優惠
- Citi八達通白金卡交通回贈詳情
- Citi八達通信用卡日常消費回贈
- Citi八達通白金卡年費及豁免方法
- Citi八達通信用卡卡片功能及使用
- Citi八達通白金卡常見問題
- Citi八達通信用卡使用限制及注意事項
- Citi八達通白金卡申請流程
- 相關信用卡推薦
- 總結
Citi八達通白金卡重點一覽
想搵一張信用卡同時滿足交通需要又可以賺現金回贈？Citi 八達通白金卡（又稱Citi 八達通信用卡）絕對係熱門之選。呢張卡集合八達通及信用卡功能，一卡兩用，既可以「嘟」八達通搭車，又可以碌卡消費，搭車有15%車費回贈，加埋政府公共交通費用補貼計劃更可賺到約35%回贈！
以下為Citi八達通白金卡及相關信用卡重點比較：
以下為你詳盡拆解Citi八達通信用卡嘅申請條件、迎新優惠、回贈計算方法及常見問題。
Citi八達通白金卡申請條件
年收入要求
申請Citi 八達通白金卡，年薪要求為HK$120,000，即月入約HK$10,000或以上即可申請。呢個門檻相對親民，適合一般打工仔申請。
年齡及身份要求
申請人須年滿18歲，持有香港身份證，並需提交彩色身份證副本、最近一個月住址證明及最近一至三個月入息或資產證明。
學生申請特別安排
學生亦可申請Citi八達通白金卡，但要注意：是次迎新優惠不包括學生信用卡，記得申請時職業唔好填錯係學生，否則會影響迎新獎賞資格。學生專屬迎新為發卡後首3個月內簽賬HK$1,000（須包含最少1次HK$500自動增值交易），可獲HK$300現金回贈。
Citi八達通信用卡迎新優惠
升級現金回贈HK$2,500
2025年11月1日至12月1日期間，新客戶成功申請Citi八達通信用卡，並於2026年1月1日或之前批卡，批核後2個月內簽夠HK$5,000並作最少1次HK$500自動增值交易，即可獲得HK$2,500現金回贈。回贈將於達到簽賬條件後5個月內誌賬至信用卡賬戶。
值得留意，迎新簽賬可透過以下電子錢包達標，等同0成本賺迎新：
- PayMe增值
- 支付寶香港（AlipayHK）轉賬
- WeChat Pay HK轉賬
- 日常零售簽賬
自動增值迎新獎賞HK$200
於八達通App首次成功將Citi八達通加入iPhone或Apple Watch，並於加卡後首90天期間，每30天最少完成1次自動增值，即可獲得額外HK$200八達通增值額。
申請期限及資格限制
迎新獎賞只適用於Citi信用卡新客戶，即現在不持有及過去12個月內不曾持有任何Citi信用卡。如你曾取消Citi信用卡超過12個月，亦可當新客戶申請。留意今次優惠不能與Citi信用卡官方迎新同時享有。
Citi八達通白金卡交通回贈詳情
15%公共交通車費回贈
Citi八達通信用卡主要賣點係15%公共交通費回贈，涵蓋以下交通工具：
5%隧道、泊車及電車充電回贈
若每月簽賬達HK$10,000或以上，除咗15%車費回贈外，仲可享額外5%隧道、泊車及電動車充電回贈，適合揸車人士。隧道費可透過易通行繳付。
每月簽賬金額要求
重要提示：簽賬要求可合併持卡人名下所有Citi信用卡計算，即用以下信用卡簽賬都可以湊夠門檻：
- Citi PremierMiles信用卡
- Citi Cash Back信用卡
- 其他Citi信用卡
搭車先用返Citi八達通信用卡就較為抵！
回贈上限及計算方式
回贈按曆月計算（每月1日至月底），所有車費回贈會於下期月結單直接抵銷八達通自動增值金額。記得要先於 Citibank交通回贈登記頁面 登記先可享受呢個優惠！
每月交通費HK$2,000實際回贈計算
如果每月車費達HK$2,000，使用Citi八達通白金卡15%車費回贈計劃及公共交通費用補貼計劃，共可得：
- 15%車費回贈計劃：HK$2,000 x 15% = HK$300回贈
- 公共交通費用補貼：(HK$2,000 – HK$400) x 1/3 = HK$533.33 → HK$400（津貼上限）
- 共得：HK$300 + HK$400 = HK$700（即約35%回贈）
Citi八達通信用卡日常消費回贈
一般簽賬現金回贈
本地簽賬每HK$200可獲HK$1八達通現金，即0.5%回贈。基本回贈比率雖然唔算高，但配合15%交通回贈就非常實用。
海外簽賬回贈
海外簽賬會收取1.95%手續費，每簽賬HK$200可獲HK$1八達通現金，即0.5%回贈。
八達通自動增值現金回贈
八達通自動增值同樣每HK$200可獲HK$1八達通現金，即0.5%回贈。
PayMe／支付寶／微信支付回贈
用Citi八達通信用卡做以下電子錢包轉賬，每HK$200可獲HK$1八達通現金，更可計入每月HK$4,000簽賬要求：
- PayMe增值
- 支付寶香港轉賬
- WeChat Pay HK轉賬
0成本賺迎新玩法
各電子錢包每月免費增值上限：
- PayMe每月增值上限：HK$1,000
- 支付寶每月免費轉賬上限：HK$1,000
- Wechat Pay每月免費轉賬上限：HK$1,000
兩個月玩盡電子錢包，已經幫你簽咗HK$6,000，輕鬆達成迎新！
注意：支付寶及Wechat Pay轉賬現時可能需要手續費，使用前宜先確認。
網上理財繳費回贈
留意以網上銀行或網上支付系統繳費、繳交公共事務費用及保險費用不計入合資格簽賬，亦無回贈。
Citi八達通白金卡年費及豁免方法
年費金額
Citi八達通白金卡年費為首年免年費。
首年免年費
新卡首年自動豁免年費，唔洗額外申請。
電話申請豁免年費
翌年起如需豁免年費，可致電Citi客服熱線要求waive年費，一般都會成功獲批。
延伸閱讀：
Citi八達通信用卡卡片功能及使用
實體卡與手機八達通分別
Citi八達通信用卡為2合1卡，本身已內置八達通功能，可即時「嘟」卡使用。另外，亦可將八達通加入iPhone或Apple Watch使用，方便手機支付。詳情可參閱Apple Pay八達通教學。
八達通自動增值設定
呢張卡內置HK$500八達通自動增值服務，唔洗另行申請，開卡即自動啟用。有關八達通自動增值服務詳情，可參閱八達通自動增值官方頁面。
如何啟動自動增值服務
自動增值預設已啟用，只要八達通餘額不足時會自動從信用卡增值HK$500。如需調整增值金額可致電客服處理。
八達通儲值額與信用卡額度分離
八達通儲值額與信用卡信用額度係分開計算，八達通自動增值金額會計入信用卡月結單。
Citi八達通白金卡常見問題
如何登記回贈推廣
須於 Citibank交通回贈登記頁面 成功登記，方可享受15%車費回贈。之前已登記相關推廣嘅持卡人會自動延續登記。
現金回贈如何抵銷帳單
所賺取之八達通現金會於下期月結單直接抵銷八達通自動增值金額，即回贈會用嚟扣減你嘅自動增值費用。
卡片遺失或被盜處理方法
如遺失信用卡，應立即致電Citi客服熱線報失及申請補發新卡。
延伸閱讀：
更換新卡時八達通餘額處理
更換新卡時，八達通餘額可於八達通服務站處理轉移或退款。
八達通自動增值計唔計迎新簽賬
唔計！八達通自動增值唔計迎新簽賬，只計日常回贈。
買九巴月票計唔計交通回贈
用Citi八達通實體卡喺實體機買九巴月票當交通，計入每月HK$4,000簽賬要求，但唔計15%交通回贈。
幾時當新客戶
過去12個月內不曾持有任何Citi信用卡即算新客戶。如曾取消Citi信用卡超過12個月，亦可當新客戶申請。
Citi八達通信用卡使用限制及注意事項
不合資格簽賬項目
以下交易不計入合資格簽賬：
- 透過快速支付系統（轉數快）進行之交易
- 八達通增值款項（包括透過電子錢包或任何其他途徑增值Smart Octopus）
- 動態貨幣兌換（DCC）交易（DCC無手續費但都無分）
- 繳付稅務局之稅項
- 網上銀行繳費及公共事務費用
- 保險費用、賭場交易
- 信用卡結餘轉賬、退款交易
- 以「Citi PayAll服務」所繳交之費用
網上理財繳費無回贈
以網上銀行繳交水電煤、差餉等公共事務費用無回贈，亦不計入簽賬要求。
Citi八達通白金卡申請流程
八達通App申請步驟
可透過以下途徑申請，網上申請只需約10分鐘即可完成：
提交所需文件
申請時需提交以下文件：
- 香港身份證副本（彩色副本及簽署）
- 住址證明（最近一個月）
- 入息或資產證明（最近一至三個月）
提示：申請時必須同時交齊文件，以加快批核程序！
學生申請所需文件
學生申請需提交以下文件：
- 學生證副本
- 相關證明文件
留意學生卡迎新與一般迎新不同。
相關信用卡推薦
HSBC EveryMile信用卡
HSBC EveryMile信用卡主打交通及出行回贈，指定交通消費可享2.5%回贈或$2/里。適用交通工具包括城巴、新巴、HKTaxi、九巴、龍運巴士、油站、停車場及行車隧道收費站等。與Citi八達通白金卡不同，HSBC EveryMile信用卡沒有每月簽賬要求及回贈上限，但不適用於政府交通津貼。
相關信用卡比較表
其他Citi八達通白金卡競爭對手
除了 HSBC EveryMile信用卡 之外，市場上仲有幾類常被視為Citi八達通白金卡嘅主要競爭卡。
八達通自動增值信用卡
各大銀行支援 八達通自動增值（AAVS） 信用卡，例如滙豐信用卡、 恒生信用卡 及中銀信用卡，都可以設定自動增值兼賺回贈。
呢類卡適合唔介意回贈比例較低，但希望「所有支出集中一兩張卡」嘅用家。
相比Citi八達通白金卡15%交通回贈，AAVS信用卡一般提供0.4%至0.5%基本回贈。
高現金回贈信用卡
高現金回贈卡，例如 渣打Simply Cash信用卡、 安信EarnMORE信用卡 等現金回贈主打卡，雖然本身冇15％交通回贈，但喺一般本地簽賬、PayMe／電子錢包增值方面回贈率較高（可達1%至2%）。
呢類卡會同Citi八達通白金卡一齊比較，幫你揀邊張做主力簽賬卡、邊張專攻交通回贈。
延伸閱讀：
總結
Citi八達通白金卡適合日常依賴公共交通嘅香港人，尤其係每月交通費達HK$2,000或以上嘅通勤族。15%車費回贈加埋政府交通津貼，可享約35%回贈，係慳車費嘅熱門選擇！
不過，需要注意以下幾點：
- 基本簽賬回贈只得0.5%
- 海外簽賬亦需1.95%手續費
- 唔太適合作為主力簽賬卡
建議做法：
- 搭配其他高回贈Citi信用卡（如Citi PremierMiles或Citi Cash Back）湊夠簽賬門檻
- 專用嚟嘟八達通搭車較為抵
- 如果你本身有Citi信用卡，建議都開多張Citi Octopus卡，每個月慳返HK$500車費回贈
免責聲明：
本網站所載資料僅供參考，有關產品詳情、回贈及年費等資訊請以相關金融機構所提供的最新資訊為準。
附件：
| 信用卡 | 主要回贈 | 年薪要求 | 年費 |
|---|---|---|---|
| Citi八達通白金卡 | 15%交通費回贈、5%隧道/泊車回贈、0.5%一般簽賬 | HK$120,000 | 首年免年費 |
| Citi PremierMiles信用卡 | 本地HK$8/里、海外HK$3/里 | HK$120,000 | 首年免年費 |
| Citi Cash Back信用卡 | 本地2%、海外2% | HK$120,000 | 首年免年費 |
| HSBC EveryMile信用卡 | 交通2.5%或$2/里 | HK$240,000 | 首年免年費 |
| 簽賬門檻 | 交通回贈 | 每月回贈上限 |
|---|---|---|
| HK$4,000–HK$9,999 | 15%交通費回贈 | HK$300 |
| HK$10,000或以上 | 15%交通費 + 5%隧道/泊車/充電回贈 | HK$500 |
| 比較項目 | Citi八達通信用卡 | HSBC EveryMile信用卡 |
|---|---|---|
| 適用交通工具 | 的士、港鐵、巴士、綠色專線小巴、渡輪、電車、隧道費 | 城巴、新巴、HKTaxi、九巴、龍運巴士、XABHK、加德士、埃索、中國石油、中石化、蜆殼、停車場及泊車位、行車隧道收費站 |
| 回贈% | 15%搭車、5%隧道費 | 2.5% 或 $2/里 |
| 每月簽賬要求 | 搭車：需一個月內簽賬HK$4,000；隧道費回贈：需一個月內簽賬HK$10,000；簽賬要求包括使用所有同一名下嘅Citi信用卡 | 沒有 |
| 每月回贈上限 | HK$300（簽賬滿HK$4,000）或HK$500（簽賬滿HK$10,000） | 沒有 |
| 使用方式 | 透過八達通 | 透過信用卡 |
| 適用於政府交通津貼 | 適用（即再賺33%） | 不適用 |
| 可購買月票 | 可以 | 可以 |
Leave a Reply